بلاد الشوق

ﺍﻟﺸﺎﻋﺮ ﺧﺎﻟﺪ ﺍﻟﺒﺎﺷﺎ
ﺑﻼﺩ ﺍﻟﺸﻮﻕ
ﻣﺸﻴﺖ ﺑﻌﺪﻙ ﺑﻼﺩ ﺍﻟﺸﻮﻕ..
ﻏﺸﻴﺖ ﻓﻲ ﺳﻜﺘﻲ ﺍﻷﻃﻼﻝ..
ﻟﻘﻴﺘﻚ ﻟﺴﺔ ﻓﻲ ﺍﻟﺨﺎﻃﺮ..
ﻭﻓﻲ ﻣﺮﻗﺔ ﺷﻤﺲ ﺑﺎﻛﺮ..
ﻣﻼﻥ ﺑﻴﻚ ﻃﻮﻝ ﺣﻴﺎﺗﻨﺎ ﺟﻤﺎﻝ..
*******************
*
ﺭﺳﻮﻣﺎﺕ ﺭﻭﻋﺘﻚ ﺗﺬﻛﺎﺭ..ﻋﻠﻲ
ﺍﺑﻮﺍﺏ ﺑﻴﻮﺕ ﺍﻟﺤﻲ..
ﻣﺤﻞ ﺗﺎﻭﻕ..ﻟﻘﻴﺘﻚ ﺷﻮﻕ..
ﻣﺸﺘﺖ ﻓﻲ ﺍﻟﺸﻮﺍﺭﻉ ﺿﻲ..
ﺍﻣﺎﺳﻴﻨﺎ ﺍﻟﺒﺘﺴﻬﺮ ﺑﻴﻚ..
ﻧﺠﻴﻤﺎﺗﻨﺎ ﺍﻟﺒﺘﺸﻬﺪ ﻟﻲ..
ﻭﺭﺍﻙ ﻻﺟﻔﻦ ﺍﻟﺪﻣﻌﺎﺕ..ﻭﻻ
ﺍﺗﻼﻗﻦ ﺭﻣﻮﺵ ﻋﻴﻨﻲ..
ﺍﻭﻧﺲ ﺑﻴﻚ ﻧﺼﺎﻳﺺ ﺍﻟﻠﻴﻞ..
ﺍﺣﺠﻴﻚ ﺩﻧﺪﻧﺔ ﻭﻣﻮﺍﻝ..
*******************
******
ﺳﺄﻟﺖ ﻋﻠﻴﻚ ﺑﺮﺍﻱ ﺍﻟﻨﻴﻞ..
ﺗﻤﻴﺮﺍﺗﻨﺎ ﻭﻋﺼﻴﻔﻴﺮ ﺍﻟﻬﻮﻯ
ﺍﻟﺼﺪﺍﺡ..
ﻟﻘﻴﺘﻚ ﻓﻲ ﻋﻴﻮﻥ ﺍﻟﻨﺎﺱ..
ﺣﻨﻴﻦ ﺳﺎﻛﻦ ﺍﻟﻘﻠﻮﺏ ﻣﺮﺗﺎﺡ..
ﺑﺘﻄﻠﻊ ﻣﻦ ﺣﻜﺎﻳﺎﺗﻨﺎ..
ﻭﺧﻴﺎﻻﺗﻨﺎ..ﺑﻌﻴﺪ ﺷﺎﻳﻔﻚ ﺭﻫﺎﺏ
ﺭﺣﺮﺍﺡ..
ﺍﻧﺎﺩﻱ ﻋﻠﻴﻚ ﺷﻤﻮﺱ ﺗﻤﺮﻕ
ﻣﻦ ﺍﻟﻮﺍﻃﻪ..ﻗﻠﻮﺏ ﺑﻴﻀﺎ..
ﺷﻌﺎﻉ ﻭﺻﺒﺎﺡ..
ﻳﺒﻖ ﻧﻮﺭﻙ ﻣﻊ ﺍﻟﻔﺠﺎﺝ..ﻋﻠﻲ
ﺍﻟﻨﺨﻞ ﺍﻟﻌﺰﻳﺰ ﻭﻃﻮﺍﻝ..
*******************
****
ﺍﺗﺎﺭﻳﻚ ﺇﻧﺖ ﻛﻠﻨﺎ ﺑﻴﻚ..ﺑﻼﻙ
ﻧﺤﻦ ﻭﺑﻴﻮﺗﻨﺎ ﺷﺠﻦ..
ﺗﻤﻮﺕ ﺳﻴﺮﺓ ﺍﻟﻔﺮﺡ ﻧﺒﻜﻴﻚ..
ﻧﺘﻮﻩ ﻣﺎﻧﻠﻘﻰ ﻟﻴﻨﺎ ﻭﻃﻦ..
ﺟﻨﺎﻳﻨﺎ ﻭﺿﺮﺍﻧﺎ ﺍﻟﻔﻮﻕ..
ﻗﻤﺎﺭﻳﻨﺎ ﻭﺣﺴﻴﺲ ﺍﻟﻘﻮﻕ..
ﺭﺣﻞ ﻛﻞ ﺍﻟﺒﻠﺪ ﻭﻳﺎﻙ..ﻧﺰﻝ
ﺟﻮﺍﻙ..ﺣﻨﻴﻦ ﻭﺳﻜﻦ..
ﻭﺃﻧﺎ)ﺍﻟﻜﺎﺗﻠﻨﻲ(ﻣﻦ ﻳﻮﻣﺪﺍﻙ..
ﻋﻠﻲ ﻋﻴﻨﻴﻚ ﻋﻴﻮﻧﻲ ﺑﻜﻦ..
ﺍﻗﺎﻟﺪ ﺫﻛﺮﺗﻚ ﺟﻮﺍﻱ..ﻭﺃﻋﻴﺶ
ﺑﺎﻗﻲ ﺍﻟﻌﻤﺮ ﺭﺣﺎﻝ..
*******************
***
ﺳﻼﻣﺎﺕ ﻭﻳﻦ ﻧﺰﻝ ﻣﺤﻴﺎﻙ...
ﺗﺤﻴﺎﺗﻨﺎ ﻭﺃﻣﺎﻧﻴﻨﺎ..
ﺍﻛﻴﺪ ﺑﺎﻛﺮ ﻧﺠﻲ ﻭﻧﻠﻘﺎﻙ...ﻗﻤﺮ
ﺑﺎﻫﺮ ﺃﻣﺎﺳﻴﻨﺎ..
ﺗﺒﻞ ﺷﻮﻕ ﺍﻟﻘﻠﻮﺏ ﺗﺮﺗﺎﺡ..ﻋﻠﻲ
ﻧﻤﻚ ﻏﻨﺎﻭﻳﻨﺎ..
)ﻟﺪﺍﻳﺎﺕ(ﺷﺎﻳﻚ ﺍﻟﺮﻣﺎﻱ..
ﻣﺰﺍﺟﺎﺕ ﻗﻬﻮﺗﻚ ﺟﻮﺍﻱ..
ﺍﺣﺎﺳﻴﺲ ﻓﻴﻨﻲ ﺗﺘﺤﻜﺮ..
ﺟﻤﺎﻝ ﻧﻴﻠﻨﺎ ﻭﻋﺼﺎﺭﻳﻨﺎ..
ﻧﻀﺎﺭﻳﻚ ﻓﻲ ﺍﻟﻌﻴﻮﻥ ﺗﻈﻬﺮ..
ﺑﺮﻳﻖ ﻟﻬﻔﺔ ﻭﺩﻣﻊ ﻫﻄﺎﻝ..

اختيار موفق أخي مرعي ولا شك ان الشاعر خالد الباشا من الشعراء المبدعين . يديك العافية .