ما بخاف من شئ

من اغاني الحقيبة
أغنية ما بخاف من شئ
للشاعر محمد عبدالله الأمي
. . . ‎
ما بخاف من شئ برضي خابر
المقدر لا بد يكون
0
إن اتانى الهم جيشه دافر
يلقى يا خلاي صبري وافر
يلقى عزمي التام ليهو خافر
يلقى قلبي شجاع ما جبون
0
بالعدا معروف ما ببادر
ما بخون الجار مانى غادر
ما بقول للناس مثلى نادر
بل بقول للخالق ... شؤون
0
ما عصيت مولاي مانى فاجر
لا... ولا بالعالم بتاجر
نفسي يا أحباب ليها زاجر
لم أكون كل يوم لي لون
0
الثبات معروف لي معاصر
لو بقيت في داخل معاصر
والإله غير شك لي ناصر
رغم أنف الواشي الخؤن
0
قول لشاهد الزور فيما ثائر
هدى روعك قبل الخسائر
يا ما قبلك عميت بصائر
من لساني ... وقولي الهتون
0
قول لأهل الجور والمساخر
مافى أول ما ليهو آخر
ما بدوم العز والمفاخر
وما بدوم الظل والحصون
0
عن لسان الحق مانى نافر
وما جحدت الخير مانى كافر
ما ضمرت السوء مانى حافر
للصديق هاويات السجون

لك الشكر استاذ ع هذه الاطلالة الجميلة
السودان يتمتع بكثير من الفنانين المبدعين والميزين الذين تغنو بالاعاني الجميلة
لك تحياتي وتقبل مرور

الأخ دفع الله شاكر لك المرور والتعليق ونحن في انتظار مشاركاتك

مشكور استاذ ع هزه المشاركة الفعالة والتحية للفنان محمد عبدالله الامي.ع هذه الاغنية الجميلة
والمزيد من الابداع والتميز!

إنت زول قديم كدا مالك
إنت ماسمعت الجديد ؟


الفي ريدو فرط دقس

حرامي القلوب تلب

سنتر الخرطوم العرس بالكوم ...

لو الجديد زي القلتو دا مش عاوزين خلونا في قديمنا .

انا معك استاذ عبدالله لانو الاغاني الجديدة اغاني هابطة ماتشبه السودان الزاخر بالاغاني الجميلة التي تجعلنا نتميز عن الآخرين ف العالم العربي!!